Skip to main content

TTo'lovni hujjatlar bo'yicha taqsimlash

Ushbu funksiya to‘lovlarni sotuv va xarid hujjatlariga bog‘lash hamda har bir hujjat bo‘yicha to‘lov holatini alohida kuzatish imkonini beradi.

Funksiya yoqilgandan so‘ng:

  • Sotuvlar → Sotuvlar, Sotuvlar → Qaytarishlar,
    Xaridlar → Xaridlar va Xaridlar → Ta'minotchiga qaytarishlar bo‘limlarida «To‘langan» ustuni va hujjatning to‘lov holati bo‘yicha filtr paydo bo‘ladi;
  • Pullar → Kirimlar va Pullar → Chiqimlar bo‘limlarida «Bog‘lanmagan» ustuni paydo bo‘ladi, u hujjatlarga taqsimlanmagan to‘lov summasini ko‘rsatadi.

Funksiya qachon foydali​

Ushbu funksiyadan foydalanish quyidagilarga yordam beradi:

  • har bir hujjat bo‘yicha to‘lovni alohida nazorat qilish
  • mijozlar va ta'minotchilar qarzdorligini tez ko‘rish
  • qisman to‘lovlarni kuzatish
  • bitta to‘lovni bir nechta hujjatlar o‘rtasida to‘g‘ri taqsimlash
  • oldi berdi hisobotlarning shaffofligini oshirish

Bu ayniqsa quyidagi holatlarda foydali:

  • mijozlar buyurtmalarni bo‘lib-bo‘lib to‘lasa
  • bitta to‘lov bir nechta sotuvni yopsa
  • kompaniya qaytarishlar bilan faol ishlasa
  • qarzdorlik hisobini aniq yuritish muhim bo‘lsa

«To‘langan» ustunidagi har bir rang nimani anglatadi​

Rang hujjatning to‘lov holatini ko‘rsatadi:

  • 🟢 Yashil — hujjat to‘liq to‘langan yoki ortiqcha to‘langan
  • 🟠 To‘q sariq — hujjat qisman to‘langan
  • 🔴 Qizil — hujjatga bog‘langan qaytarish mavjud
  • ⚪ Bo‘sh — hujjat to‘lanmagan

Bog‘lanmagan to‘lov​

Bog‘lanmagan to‘lov summasini Pullar → Kirimlar va Pullar → Chiqimlar bo‘limlaridagi «Bog‘lanmagan» ustunida ko‘rish mumkin.

Bu shuni anglatadiki, ushbu to‘lov hali hujjatlar bo‘yicha taqsimlanmagan.

Ushbu bo‘limlarda bunday operatsiyalarni tez topish uchun to‘lovni bog'langanlik holati bo‘yicha filtrdan ham foydalanish mumkin.

Funksiyani qanday yoqish mumkin​

  1. Chap panelda Sozlamalar bo‘limiga o‘ting.
  2. Sozlamalarda Korxona Sozlamalari bo‘limini oching.
  3. Funksional bo‘limiga o‘ting.
  4. To'lovni hujjatlar bo'yicha taqsimlash parametrini toping va o‘ng tomondagi qalam belgisini bosing.
  5. Ha variantini tanlang.
  6. O‘zgarishlarni saqlash uchun ko‘k belgi (✓) tugmasini bosing.

To‘lovni hujjatga qanday bog‘lash mumkin​

Agar to‘lov hujjat ichidan yaratilsa yoki operatsiya yakunlangandan keyin to‘lov amalga oshirilsa, to‘lov avtomatik ravishda bog‘lanadi.

Agar to‘lov avtomatik bog‘lanmagan bo‘lsa yoki uni boshqa hujjatlarga taqsimlash kerak bo‘lsa, buni qo‘lda bajarish mumkin:

  1. Pullar → Kirimlar yoki Pullar → Chiqimlar bo‘limiga o‘ting.
  2. Kerakli hujjatning o‘ng tomoniga kursorni olib boring va ✏️ Qalam (Tahrirlash) belgisini bosing.
  3. Bog‘langan hujjatlar yorlig‘ini oching.
  4. Hujjatlarni tanlash tugmasini bosing.
  5. To‘lovni bog‘lash kerak bo‘lgan hujjatlarni ro‘yxatdan tanlang va Biriktirish tugmasini bosing.
  6. Zarurat bo‘lsa, har bir hujjat uchun taqsimlash summasini kiriting yoki ro‘yxatdan ortiqcha hujjatlarni olib tashlang.
  7. Saqlash tugmasini bosing.