Xaridlar

iBox tizimida xarid ta'minotchidan tovar qabul qilinganini rasmiylashtiradi — aynan shu hujjatdan kreditorlik qarzdorligini nazorat qilish va to‘lovlar bilan ishlash boshlanadi.

Xaridni yaratish

Xarid yaratish uchun:

1. Xaridlar modulidagi Xaridlar bo‘limiga o‘ting.
2. Yuqori o‘ng burchakdagi plyus belgisini bosing.
3. Ta'minotchini tanlang.
4. Hujjat valyutasini tanlang.
5. Mahsulotlar qabul qilinadigan omborni tanlang.
6. Mahsulotlarni ro‘yxatga qo‘shing:
   • qo'lda mahsulotlarni qidirish orqali;
   • mahsulotlarni tanlash orqali;
   • Excel fayldan yuklab.
7. Ma’lumotlarni tekshiring:
   • miqdor;
   • narxlar.
8. Saqlash tugmasini bosing.

Xarid vaqtida qo‘shimcha ravishda quyidagilarni to'ldirishingiz mumkin:

• vositachi;
• to'lash muddati;
• to‘lov usuli;
• izoh;
• fayllarni biriktirish.

Maslahat

Xarid jarayonida qo‘shimcha xarajatlarni tovar tannarxiga bog‘lashingiz mumkin.
Buning uchun Sozlamalar → Funksional bo‘limiga o‘ting va «Qo'shimcha xarajatlardan foydalanish» opsiyasini yoqing.

---

Xaridni tahrirlash

Agar o‘zgartirish yoki tuzatish kiritish kerak bo‘lsa:

1. Xaridlar modulidagi Xaridlar bo‘limiga o‘ting.
2. Kerakli xarid qatorining o‘ng tomoniga kursorni olib boring.
3. ✏️ qalamcha ikonkasini bosing (Tahrirlash).
4. O‘zgartirishlarni kiriting.
5. Saqlash tugmasini bosing.

---

Yuk xatini chop etish

1. Xaridlar bo‘limiga o‘ting.
2. Xarid raqamiga bosing.
3. Yuqori paneldan Chop etish tugmasini bosing.
4. Chop etish uchun shablonni tanlang.
5. Oldindan ko‘rish oynasida printerni tanlab, sozlamalarni tekshiring.
6. Chop etishni boshlash uchun Print tugmasini bosing.

---

Xarid uchun to‘lov kiritish

Xarid bo‘yicha to‘lov kiritish uchun:

1. Xaridlar bo‘limiga o‘ting.
2. Kerakli xarid raqamiga bosing.
3. Yuqori o‘ng burchakdagi To'lov kiritish tugmasini bosing.
4. Quyidagilarni to'ldiring:
   • summa;
   • valyuta;
   • kassa.
5. Saqlash tugmasini bosing.